បើគិតមកទល់បច្ចុប្បន្ននេះ ក្រុមហ៊ុន Apple ដែលត្រូវបានគេស្គាល់ថា ជាក្រុមហ៊ុនយក្ស ផលិតផលិតផលបច្ចេកវិទ្យាដូចជាកុំព្យូទ័រ ទូរស័ព្ទ Smartphone និងឧបករណ៍ Tablet នោះ មានអាយុកាលជាង ៤០ឆ្នាំហើយ ខណៈ ក្រុមហ៊ុនបច្ចេកវិជ្ជាមួយនេះ ត្រូវបានបង្កើតឡើងដោយ បិតាបច្ចេកវិទ្យា គឺលោក Steve Jobs។ ទោះបីជាស ស្ថាបនិករូបនេះ ត្រូវបានលាចាកលោកជាច្រើនឆ្នាំទៅហើយក្ដី ប៉ុន្ដែ ទស្សនវិជ្ជាដែលលោកបានបន្សល់ទុកក្នុងការដឹកនាំក្រុមហ៊ុន Apple នៅតែបន្តជីវិតជានិច្ច។
តើអ្វីទៅជាទស្សនវិជ្ជារបស់លោក Steve Jobs ដែលបានបន្យល់ទុកនៅជាមួយក្រុមហ៊ុនយក Apple? តាមរយៈការស្រាវជ្រាវផ្ទាល់ខ្លួន ខេមបូណូមីស សូមលើកយកនូវទស្សនវិជ្ជា ៣យ៉ាងសំខាន់ៗរបស់បិតាស្ថាបនិកក្រុមហ៊ុនបច្ចេកវិទ្យាលំដាប់ពិភពលោកមួយនេះ មកធ្វើការចែកជូនអ្នកអាន ដែលមានដូចខាងក្រោមនេះ ៖
Advertisement
គិតឲ្យខុសពីគេ (Think Different)
ការគិតខុសពីគេ ជាពាក្យស្លោកមួយរបស់ក្រុមហ៊ុន Apple ដែលត្រូវបានបង្កើតឡើងដោយលោក Steve Jobs គឺជាការឆ្លុះបញ្ចាំងឲ្យឃើញពីដើមចមនៃការបង្កើតនូវផលិតផលដែលល្អបំផុតសម្រាប់លក់លើទីផ្សារ ហើយវាក៏ជាទស្សនវិជ្ជាស្នូលមួយរបស់ក្រុមហ៊ុននេះផងដែរ។ ពាក្យសោ្លកនេះទៀតសោត ក៏ធ្លាប់ត្រូវបានបង្ហាញរាល់ការផ្សព្វផ្សាយពីផលិតផលថ្មីរបស់ Apple ដែលធ្វើឲ្យក្រុមហ៊ុននេះ ជោគជ័យយ៉ាងខ្លាំងនៅឆ្នាំ១៩៩៧។
ពាក្យថា គិតឲ្យខុសពីគេនេះ មិនមែនត្រឹមតែចាក់ចំបេះដូងអតិថិជនរបស់ Apple ប៉ុណ្ណោះទេ ប៉ុន្ដែ វាក៏ជាទស្សនវិជ្ជាមួយតម្រង់ទិសសម្រាប់បុគ្គលិក ឲ្យកាន់តែស្គាល់ច្បាស់ពីចក្ខុវិស័យរបស់ Appleផងដែរ។ មិនតែប៉ុណ្ណោះ ដោយសារតែគំនិតមួយនេះហើយ ទើបធ្វើឲ្យមនុស្សជាច្រើនទិញផលិតផលរបស់ Apple ដោយមិនសូញសាញនឹងតម្លៃឡើយ។
លោក Steve ធ្លាប់លើកឡើងពីយុទ្ធសាស្ត្រផ្សព្វផ្សាយដោយផ្អែកលើទស្សនវិជ្ជា Think Different នេះថា “ម៉ាឃីតធីង គឺជាអ្វីដែលនិយាយពីគុណតម្លៃ ហើយយើងក៏មិនមានពេលវេលាច្រើនដើម្បីធ្វើឲ្យមនុស្សចងចាំពីយើងបានច្រើននោះដែរ ហើយក៏គ្មានក្រុមហ៊ុនណាមួយធ្វើបានដែរ។ ដូច្នេះហើយ យើងត្រូវធ្វើឲ្យប្រាកដថា តើអ្វីដែលជាចំណុចខ្លាំង ឬពិសេសជាងគេរបស់យើង ដែលយើងចង់ឲ្យមនុស្សគ្រប់គ្នាបានស្គាល់”។
យល់ចិត្តអតិថិជនជាងនរណាទាំងអស់ (Empathy)
Apple តែងតែបង្កើតនូវអ្វីដែលជាតម្រូវការពិតរបស់អតិថិជន ហើយគោលការណ៍នេះ បានធ្វើឲ្យផលិតផលរបស់ Apple បានផ្សាភ្ជាប់ជាមួយអារម្មរបស់អតិថិជនជាងផលិតផលផ្សេងៗទៀត។ រាល់អ្វីដែលក្រុមការងាររបស់ Apple បាននិងកំពុងធ្វើ គឺជាអ្វីដែលនាំមកនូវភាពប្រសើរឡើងសម្រាប់អ្នកប្រើប្រាស់ ហើយពួកគេមានជំនឿយ៉ាងមុតមាំថា គ្មាននរណាយល់ពីអតិថិជនច្បាស់ជាក្រុមហ៊ុន Apple នោះទេ។
តួយ៉ាង រាល់ដំណើរវិវឌ្ឍន៍របស់ Apple គឺតែងតែមានការផ្លាស់ប្តូរ ទៅរកភាពរីកចម្រើនជានិច្ច ហើយពួកគេយល់ថា ដើម្បីផ្គាប់ចិត្តអតិថិជនបាន ពួកគេត្រូវសម្លាប់ផលិតផលរបស់ពួកគេឲ្យបាន មុននឹងផលិតផលរបស់ក្រុមហ៊ុនដទៃចូលមកសម្លាប់ផលិតផលរបស់ពួកគេ។ ក្នុងន័យនេះ គឺ Apple តែងតែបន្តនូវការអភិវឌ្ឍលើផលិតផលរបស់ខ្លួនគ្រប់ជំនាន់ ព្រមជាមួយសមត្ថភាពប្រើប្រាស់កាន់តែប្រើសើរឡើង។
ជាក់ស្ដែង កាលដើមឡើយ ក្រុមហ៊ុននេះចាប់ផ្ដើមផលិតកុំព្យូទ័រ Mac ក្រោយមកក៏ចាប់ផ្ដើមផលិតឧបករណ៍ស្ដាប់តន្ត្រី iPod ដែលជាឧបករណ៍លេចធ្លោជាងគេមួយនាសម័យនោះ ហើយឧបករណ៍មួយនេះ ក៏បានធ្វើឲ្យឧបករណ៍ Sony Walkman (កូនម៉ាញេចាក់កាសែត) របស់ក្រុមហ៊ុន Sony ត្រូវបានបាត់មុខពីទីផ្សារផងដែរ។
ក្រោយពីនេះ iPod ត្រូវបានបាត់ពីទីផ្សារបន្ដិចម្ដងៗ ដោយសារវត្តមានចូលមកជំនួសដោយ iPhone និង iPad ដែលជាឧបករណ៍ស្មាតហ្វូនកំពុងវាយលុកទីផ្សារខ្លាំងជាងគេនាយុគសម័យបច្ចុប្បន្ន។ តែយើងនឹងរង់ចាំមើលថា តើ Apple នឹងឧបករណ៍ពិសេសអ្វីផ្សេងទៀត ដើម្បីសម្លាប់ផលិតផលចាស់របស់ខ្លួន ឲ្យបានមុនផលិតផលគូប្រជែងចូលមកដល់។
ការផ្ដោតអារម្មណ៍ចំពោះអ្វីដែលខ្លួនបាន និងកំពុងធ្វើ គឺជាកត្តាស្នូលដ៏សំខាន់មួយដែរ សម្រាប់ការសម្រេចកិច្ចការគ្រប់ទម្រង់ទាំងអស់។ ដូចទៅនឹងសម្ដីរបស់មហាសេដ្ឋីចិន លោក Jack Ma ធ្លាប់លើកឡើងថា ប្រសិនបើអ្នកមើលឃើញទន្សាយជាច្រើននៅក្បែរខ្លួន ចូរចាប់យកតែមួយឲ្យបានសិន ពោលគឺ ផ្ដោតទៅលើទន្សាយមួយណាដែលធំជាងគេ។ យ៉ាងណាមិញ ទស្សនវិជ្ជារបស់ Apple ក៏មិនខុសពីការលើកឡើងនេះដែរ ដើម្បីអាចសម្រេចការងារបានល្អបំផុត ពួកគេមានជំនឿថា ត្រូវលះបង់នូវឱកាសដែលមិនសូវសំខាន់ចោលឲ្យអស់ ហើយចាប់យកឱកាសមួយណា ដែលសំខាន់ជាងគេបង្អស់មកធ្វើវិញ។
អត្ថបទគួរអាន!
តួយ៉ាង ស្ថាបនិក និងជាអ្នកកំណត់នូវទស្សនវិជ្ជាមួយនេះ លោក Steve Jobs ធ្លាប់លើកឡើងថា ក្រុមហ៊ុន Apple ធ្លាប់បានគិតទៅលើការបង្កើតឧបករណ៍ថ្មីៗជាច្រើនដែលក្នុងនោះ ដំបូងក្រុមហ៊ុនគិតថា ចាប់ផ្ដើមផលិតឧបករណ៍ iPad មុនផលិត iPhone តែក្រោយមក លោក Steve យល់ថា ទូរស័ព្ទចល័ត គឺជាមធ្យោបាយដ៏សំខាន់ជាងគេបំផុតសម្រាប់ការរស់នៅរបស់មនុស្ស បើធៀបនឹង iPad។ ដូច្នេះហើយទើប Apple សម្រេចចិត្តទុកការផលិត iPad មួយអន្លើ ហើយងាកមកផលិត iPhone ជំនួសវិញ ដែលវាឆ្លុះបញ្ចាំងឲ្យឃើញពីការយល់ចិត្តអតិថិជនជាងគេបំផុតរបស់ Apple។ នៅទីបំផុត ការគិតរបស់លោក Steve ពិតជាត្រឹមត្រូវ ផលិតផល iPhone បានក្លាយជាឧបករណ៍ប្រវត្តិសាស្ត្រមួយចូលមកធ្វើបដិវត្តវិស័យទូរស័ព្ទចល័តរបស់ពិភពលោក ជាមួយសមត្ថភាពដ៏អស្ចារ្យពុំធ្លាប់មាន។
0 comments:
Post a Comment